尋找晚裝的日子 -- 屯門

我早兩日同肥公主 msn, 講開晚裝, 大家都交換左一d自己既意見, 同 share 大家睇過既婚紗店。
就係因為大家 share 資訊既關係,
肥公主同我講, 原來柏麗都有一間婚紗店。

下!! 我仲以為屯門只有間叫玫瑰園就無添。
玫瑰園我唔會去睇喇, 因為我上佢既網睇, 佢既衫款好 淘寶" 呀。
咁柏麗呢間喇, 上網咩資料都搵唔到,
而且屯門咁近, 我就梗係放工即刻去睇下喇。

咁我去到, 原來間鋪好細好細間。
不過個老闆娘好好傾, 就算我單丁一條友去, 佢都無覺得我係混吉既。
仲問下我鐘意d咩款, 有d咩一定唔得, 又比d意見我咁。
可惜的是, 佢既款太少喇, 對我黎講唔夠選擇。
當然表面上我唔會話比佢知, 我選唔岩。
因為我仲問埋佢 package 既價錢, 同埋有無得試衫咁。

但係我自己暗暗知道, 我一定唔會再返轉頭黎試。
所以, 我既尋找晚裝的日子之屯門篇宣告失敗。

我會繼續努力既。
加油呀!!!