笋崗戰利品

首先黎張手花襟花類大合照先。



呢隻我買左手花同襟花, 係比我家姐細佬呢類屋企人用既。

呢隻手花, 係比我既姊妹用既。

呢個, 係比四大長老既, 點解會有5個呢? 因為其中一隻比我婆婆。
不過, 我家姐睇到, 佢話點解我揀隻咁假既花比四大長老, 佢話佢用既紫色花仲靚, 真係比佢激死。
佢仲要問我, 點解唔用鮮花, 鮮花好貴咩?
我就是旦呃佢話, 係呀, 好貴, 一個至少五十蚊, 我要慳錢, 所以用呢d假花>.<

呢個就係其他既結婚用品大合照, 其實我唔知點樣可以影晒, 因為好多野呀。

喜字帖, 喜字拉花, 開門利是, 對聯, 利是封

花炮, 啤牌, 封帖既小貼紙。

上頭用品, 跪墊(無影到裡面既個芯), 拖鞋, 睡衣。

哎呀~~
原來我仲有花車蝴蝶結, 迷你子孫桶裝飾, 紙杯, 花球, 紅傘都唔記得影添, 不過算喇, 還掂大合照都影左喇。