尋找晚裝的日子

係, 我相信我依家最重要既項目要完成既, 應該就係搵晚裝喇。
因為我一件晚裝都仲未租到。
咁兩個月既時間話多唔多, 話少唔少, 但真係要好努力去搵, 又或者唔簡擇既話, 應該都唔係難。
咁我係一個唔努力既人, 其實我都覺得自己唔算簡擇既,
所以, 真係係太情急既情況之下, 相信我會即刻可以做決定。

咁, 對我黎講, 依家都仲未算好急, 所以, 我可以睇完之後再決定。
但係, 為左安全起見, 我都係打定電話去預約先。
所以, 我已經預約左 御嫁地, Charming image 同埋  In wedding 係星期日試衫。

同埋, 我想再去多次愛華, 睇下佢二樓係咪收埋左好多晚裝無比我睇。
其實, 成日見我提愛華, 唔係因為我對愛華情有獨鍾。
只係因為我一早已經係愛華開左一個4件衫既 package,
咁我如果加大個 package 會平d (唉~ 結婚真係用好多錢, 我要慳d為將來既仔女打算。), 同埋到時還衫方便唧。
因為我住附近嘛。
仲有就係, 我有少少想去多次雅麗, 細心d睇下有無晚裝適合。因為上次去試衫既時候, 我記得有一件紅色既敬酒衫我都幾鐘意既。