選喜帖

早在1月29日的時候,
因為那天是雙方家長見面的日子, 見完面後,
我怕我未來老爺奶奶說要上我的住緊果度坐坐 (因為我間屋好亂, 未執屋)
所以, 就說想出荃灣, 叫酒樓印帖。

見到家長後, 我地一行四人去到酒樓,
3點幾4點, 酒樓一d都唔忙。
咁佢可以慢慢招呼我地。

但係, 有少少唔開心呀。
我記得我book酒席果時, 有問佢拎d帖款黎睇, 果時好多款架, 有d都幾靚添。
但係我今次睇, 得返好少款, 而且d款變得唔靚喇。
其實又唔係話真係好唔靚, 只係可能我唔鐘意呢d款唧。

不過都無所謂喇, 免費嘛。
而且, 我阿媽同我講, 最好選大紅, 金色都可以, 粉紅色麻麻, 一定唔可以選米白。
咁又因為選帖既時候, 未來老爺奶奶都係度,
咁梗係比佢地選先喇。
咁我未來奶奶選左一款大紅色既帖,
其實都係屬傳統款, 有個喜字果d。
咁佢選完之後, 就輪到我兩個睇喇。

點知, 我地都係選未來奶奶果張, 因為佢選果張真係果d大紅色裡面最好架喇。
依家等我地決定註冊時間就可以confirm酒樓印帖喇。

親愛的 : 偷偷講個秘密你知, 其實當日, 我做左一個測試。
我選帖既時候, 我專登指另一隻大紅色既帖, 話呢款都幾靚, 然後再睇下未來奶奶的反應。
佢嘴巴上, 呢張都好, 都係大紅色, 其實你地鐘意喇, 唔駛問我架。但係佢表情上面明顯睇得出佢唔係咁開心。

哈哈, 所以, 你依家應該明白, 我點解話選婚紗晚裝一定唔會約埋你阿媽去喇。
如果到時, 佢話好睇既, 我唔鐘意, 咁點呀?
真係好似你咁講, 唔駛理佢, 只係選自己鐘意既,
咁佢口一定話無所謂既, 但係心唔係咁諗嘛。
如果將來我同佢有心病, 夾係中間最辛苦既人只會係你唧。
所以, 我盡量都係我可以接受既情況下, 屈服係你媽咪既想法。

你知道我既脾氣, 我可以完全唔屈服, 唔理所有人既感受,
但係因為我愛你, 我唔想你辛苦難做人。
所以, 希望你都明白,
點解我搵晚裝要在乎佢既諗法,
因為佢都已經講到明, 咩色唔得,
咁我又合必選一d佢一早同我講明唔可以既顏色喇, 係咪?!?!

婚禮只係一晚, 我地既婚姻係長久的。
所以, 我又何必因為一晚既開心而有機會影響到到我地將來長久既婚姻呢,
我連萬分之一既機會都唔希望佢發生,
因為我愛你。