過大禮

3月17日

我改左今日過大禮呀
其實今日河馬大師要返工架
但係, 佢阿頭比佢偷偷出去過大禮

本來佢打算叫同事幫手的
不過今日個同事同佢一樣都係 on duty
所以就無辦法幫手喇
河馬大師係情急之下
打比佢既朋友
佢朋友睡眼腥松的接聽電話
聽完無say no
即刻換衫出黎幫手
真係唔該晒

我都提前打比媽咪話河馬大師黎近,
然後話比媽咪知, 因為佢地係返工偷走出黎架
所以, 唔好留佢地, 是旦比幾罐汽水佢地
等佢地無咁熱就得喇。

而由於我媽咪係要派帖先提早過大禮,
所以我尋晚入帖入到我三點先有得訓
我真係好眼訓呀

佢地過完大禮喇。

我媽咪突然間打電話比我,
哎呀~~阿女, 我唔記得提你地換盒餅黎呀, 要用黎拜神。
我話, 下!!你唔講我真係唔記得喎, 不過唔緊要喇, 裡面有餅卡架。
媽咪話, 阿女, 祖仙唔食餅卡架。


哈哈, 我真係唔記得左 :p