暫定的Pre-wedding服裝

我已經決定左喇,

其實我選呢d衫既原因都幾無聊, 就係, 個背包得晒。

因為我真係唔想出去影果時, 比人見到我後面用橡巾+扣針扣住件衫, 令佢衫唔跌。

我心諗, 如果條橡巾斷左, 咁我點算

Oh~ No~~~

不敢想像。

所以, 我第一主要既條件係, 一定要包晒個背。

所以得出以下幾個選擇。(今次我出官方靚靚相。)

拖尾婚紗 - 我反覆研究當日既相, (當日河馬大師係360度幫我影晒的。) 係得呢件拖尾婚紗既背係包得晒而唔會 "唧" 肥肉出黎, 所以選左佢。

               

第二件係呢件, 銀色的晚裝, 呢件其實條拉鏈好似壞左, 但係佢裡面有件同色的"底" (其實我唔知點講, 總之就係唔會露肉喇。), 同埋, 河馬大師說呢件靚, 所以呢, 就選呢件晚裝。

               

第三件呢, 係因為 Litty Sky 既一言驚醒。 所以我都係想著藍色既晚裝, 但是當日我只試過一件, 而我既第一條件又係要包晒個背的, 所以呢, 同王子相量左喇, 如果當日無比人著左既藍色晚裝, 我都可以睇一睇決定要唔要試一試。

以下呢件藍色, 我試衫當日有著過同款的黃色, 我記得是可以包晒我個背, 唔知呢件可唔可以呢?!?!

                 

當然, 我都要有一件背備, 因為可能所有藍色既晚裝, 我都著唔落既話, 我就會選以下既婚紗, 呢件可能大家都覺得平平無奇, 但係我當日去睇相選衫既時候, 第一件就話想試呢件, 我尊重返當天我既第一感覺, 而剛好呢件係可以包晒我個肥背, 所以, 就選左佢喇。

                   

睇下, 瘦人著得真係好睇, 點解唔設計d肥人都著得好睇既衫, 咁我就唔駛努力減肥喇。

呀!!!!!!!!!!!!!!!!!!!!

真係好痛苦呀!!!!!!!!!!!!!!!!!!