褂鞋

好突然地, 我竟然買左對褂頭, 哈哈。

其實完全估唔到, 亦都無打算打野既情況下, 呢對鞋好平。

因為我對腳其實好細架, 我要著33號半鞋。

平時我只係可以著童裝既 CONS 又或者波鞋, 因為市面上好少有我咁細腳既包鞋賣, 我試過著34號鞋, 唔知點解都會有掉鞋既情況出現, 就算裡面試過用半墊又或者全墊, 掉鞋既情況都沒有改善, 所以, 我已經對於市面上賣既包鞋死左心架喇。

如果想著女人少少既鞋咩, 都有以下既方法。

1 > 涼鞋既話, 其實都無問題既, 等如著拖鞋咁, 大D都無所謂架喇。

2 > 靴都一樣無所謂, 因為就算著到36號, 都無咩可能會掉鞋嘛。

3 > 包鞋, 要有帶扣住既, 又或者訂造喇。

我上網睇過好多BLOGGER 既褂鞋都係平底又或者係無帶扣既, 所以我果時心諗, 死喇, 唔係連褂鞋都要訂咁浪費嘛。

點知, 竟然係我行行下街既情況, 發現到呢對紅色, 非常閃, 有帶扣既包鞋, 呢D真係可以做褂鞋, 完全絕對地無問題喇。

我即刻問下店家, 最細幾細先。

佢答我 : 最細35碼, 不過呢對鞋款係偏細的。

咁我心諗, 偏細既, 真係岩岩好, 就叫佢拎對35碼比我試下先再講喇。

我試完之後, 同佢講, 我都仲係有少少鬆, 佢就話比對鞋墊我試下。

佢比左半墊我之後, 我仲係扮到滿不在乎的說, 都好似無咩大幫助喎, 會唔會用全墊好D呢?

佢話: 佢地無全墊呀, 不如比埋後跟墊我再試多次喇。

我心諗 : 咁樣仲好, 至少我唔會刮鞋嘛。

然後試完, 其實我心裡面知道, 我自己可以換全墊, 佢比左後跟墊我, 我已經可以著得舒服D, 唔駛我晒錢買。 同埋, 我只係著果一次半次, 呢對鞋真係抵呀, 有帶扣的, 我真係好難再搵到架喇, 所以, 就咁買左呢對褂鞋喇。

同肥公主傾開, 佢話想睇下對鞋, 所以我影左相上黎, 同場加影我對肥肥鞋。 希望大家唔好介意喇