好擔心

今日老細去左開會, Yeah!! 又可以瘋狂上網喇。

死喇, 我已經傷風咳左差不多一個月喇, 頭先仲咳到要去廁所嘔, 好擔心呀。

唔好以為我無睇醫生呀, 我已經睇過醫生, 食過四日醫生開既西藥, 不過病情完全無咩起息。

然後呢, 我又去飲中藥既感冒茶同止咳茶, 反而呢個中藥既作用唔係可以令我個病好轉, 而係令到我因為食西藥, 搞到十日無去過大大既情況改善, 我終於係飲完中藥既一日, 可以去到大大喇。 不過咳同鼻涕仍然長有, 未停過。好慘呀

然後, 我又開始食成藥喇。

我呢兩晚都好早訓, 前晚我十點就訓左。

尋晚仲勁, 我九點就訓左喇。 然後十二點半起左半個鐘意身, 之後我一點前就訓返喇。我竟然可以訓到今日既十二點, 所以我請左半日假。

但係, 問題黎喇, 我今日起身既時候, 摸下自己塊臉, 點解有粒粒既?

我粒粒既意思唔係生暗瘡既粒粒, 用肉眼好小心咁睇, 都一樣睇唔清楚有粒粒, 但係只要一摸落去, 好明顯地摸到有d粒粒既感覺, 我有懷疑過係咪我隻手脫皮又或者係我隻手既問題, 所以我用手背摸過, 果種粒粒感仍然存在, 點算呀, 依家。

又無紅, 又無明顯既粒粒出現, 我都唔知我係咪過敏呀。

搞咩會咁架, 我仲有兩星期就要去影 pre-wedding 架喇, 嗚嗚嗚