自家煮雞煲

呢幾日天氣開始凍喇。
尋日河馬大師同我講想打邊爐。
我就突然醒起,
係喎, 我可以試下整雞煲喎。
就買定材料, 留返今晚試整雞煲先。

因為我唔識斬雞, 所以就唔買原隻雞喇,
不如用雞脾肉喇, 其實都係雞黎, 應該無咩大分別。

本來河馬大師係房午睡的,
但我岩岩炒完雞想放上電磁爐果時,
河馬大師突然間係廚房門口出現同我講
「真係痴線架。」
我問佢咩事? 我以為隔離屋又敲牆喇。
之後佢同我講, 咁鬼香, 真係痴線架咩!

我真係比佢激死就真。
以河馬大師既口味黎評分係七分, 佢話佢唔鐘意食雞煲。(其實我一早就知, 但我真係想試下整埋。
但我地食左兩舊雞之後, 我就即刻放湯開始打邊爐。
我再問佢, 咁依家又幾多分呀? 佢話即刻變九分喇。
激死!!!!

不過以唔鐘意食雞煲既人黎講, 我可以係佢身上拎到七分。
即係我個雞煲係成功左喇,
Yeah~~~