再來大雞大

係呀, 我地又再去食大雞大喇。

因為上次買雞味薯條既時候,  發現原來大雞大都有早餐,  仲要好平喎,  所以咪試下囉。

平日無時間去買架喇,  只是星期六先有機會試下,  剛好我逢星期六都要去覆診,

河馬大師今日又咁岩 short week, 就一於今日去試下喇。

我要左至尊雞堡, 河馬大師就要左至尊魚堡。

好大個呀, 食完好鬼死飽, 我應該下午都唔駛食野喇。

而且我覺得真係好抵呀,   我既雞堡+罐裝汽水只係$16, 河馬大師既都只係貴$1。

依家呢個時勢真係無咩咁平既早餐喇。

有機會, 我估我地應該會再食喇。