簡單方便的拉麵

我最近好懶煮飯, 

因為成日都唔知煮咩好。

仲有, 河馬大師同我講, 

佢最近好似肥左d, 

所以提議, 不如只煮粉麵比佢食, 

咁佢可以食少d喎。

(因為我次次煮飯, 都會煮好多餸架)

咁煮粉麵既話, 

我就記起我之前買左一款拉麵都未試過。

不如就試下好唔好食先。

呢款拉麵好易煮, 

5分鐘唔駛就已經煮好喇。

真係方便夾快捷。

再加d魚旦, 雞蛋同粟米粒, 

已經好似街賣既拉麵喇(河馬大師話仲好食過拉麵鋪既拉麵喎)。

所以, 我買埋其他既口味試下。

河馬大師最鐘意食紅色。

我就鐘意食白色。

我煮呢隻拉麵既分享 :

因為河馬大師唔鐘意食太淋既, 

所以, 如果包裝寫住煮3分鐘, 

我就只會煮2分45秒。

出黎就岩岩好, 唔會淋。

而且, 我通常只會落一包湯粉,

始終呢d湯粉都係化學劑黎既, 

咁希望食少d, 影響無咁大喇。

後來, 上網見有人話呢隻拉麵好咸, 

我估, 佢地一定係落晒d味精同太少水喇。