大雞大的雞味薯條

河馬大師係葵涌返工的,  佢公司附近有間大雞大, 

佢成日都聞到 d 味好香,  但咁耐都未試過買黎食。

我屋企附近有兩間大雞大, 其中一間係百佳裡面, 另一間就係阿信屋對面。

有一日, 河馬大師陪我上百佳買野, 

佢就問我 : 老婆, 你想唔想食薯條呀?

我話 : 好飽喎, 食唔落呀。

河馬大師 : 嗯。

又一日, 河馬大師陪我去阿信屋買野, 

佢又問我: 老婆, 你餓唔餓呀?

我話: 唔餓呀, 做咩呀?

河馬大師: 嗯, 無野喇。

其實, 佢成日都問我餓唔餓, 我根本就無諗到佢想食薯條。

再一日, 我地兩個又去百佳買野,

佢再問, 老婆, 你依家餓唔餓呀?

我 : 少少喇, 不過唔食野都得既。

河馬大師 : 嗯, 咁如果你有少少餓, 不如我地食薯條喇。

我 : 薯條? 你想去麥當勞呀?

河馬大師 : 唔駛去咁遠, 大雞大都有薯條買架。

我 : 嗯, 咁我地去買喇。

買完後, 河馬大師就即刻好似細路仔咁, 好開心咁話我知, 

其實佢公司附近都有大雞大, 佢聞到好香, 想試左好耐。

咁我問佢, 咁你做咩唔自己買呀?

佢話 : 因為想同我分享佢覺得好食既野。。。

終於, 佢得償所願。等到我肚餓可以陪佢食呢個大雞大既雞味薯條喇。。。

不過, 聞落真係好香, 食落仲好好味。
其實我好鐘意食呢種粗既軟淋淋薯條架。