擬結婚通知書

今日就係我結婚前三個月喇。
因為三個月前就可以約時間, 我大年初一雖然搶到第一號籌, 但係我地都一定要準時親身到達金鐘既婚姻註冊處交表格同埋選時間。

因為要9點15分去到, 所以我今日比平時早左少少起身,
我地唔想遲到, 如果遲到既話, 咁即係大年初一既努力會變得白費。
所以, 就算我幾眼訓, 都一樣要死出去。

而河馬大師呢?
對唔住, 公司既阿頭一句話 : 老細會黎星期一既會議, 所以開會大晒, 唔比佢請假。
就變左我一個孤苦無依, 自己一個去註冊處喇。

因為我好早就到左, 九點前就已經到左喇。
所以, 佢大約九點十分就已經幫我辦手續。
而我更加在網上填定晒表既關係, 好快就搞掂。
佢就叫我等主任, 然後我企起身宣埋誓就走得。
好快, 我估我大約九點二十五分就搞掂走人喇。

題外話: 今日我見到黎註冊既人, 全部都一雙一對

題外話二: 今日有一對新人, 佢遲到了。然後一直叫個註冊官比佢先, 話因為佢九點半要驗身。 我當時心諗, 你明知你自己時間咁急, 點解你又要遲到呢? 可能因為佢聽到自己既號碼係六號。而我既號碼係七號, 之後註冊官再叫既號碼係十號, 所以佢覺得唔公平去嘈。
其實, 我覺得個號碼係亂派的, 因為我去到佢比七號我, 然後排我後面交表既人就已經十號喇。十號後面仲有一對新人, 先再到佢既六號呢。

我就係讀呢張野喇, 讀果時好搞笑, 可能因為我要企起身既關係掛