同公司請婚假了

今日, 我公司春茗。
同事都處於興奮狀態,
因為4點半就執野跟公司車去打保齡後再食晚飯。
當然, 好多同事都無帶飯喇, 怕麻煩嘛。

所以, 我就襯住 lunch 既時間, 入去搵左阿大,
同佢講, 我打算請兩星期假, 因為我要結婚。

我阿大答得我好搞笑。
兩星期咁多呀, 果時應該差不多要核數喎。
er...不過唔緊要喇,
結婚又無理由唔比你請假既,
蜜月旅行就梗係結完婚去架喇,
好喇好喇, 你寫紙出我喇。

然後我即刻入假紙比佢。
佢見到, 嚇一跳 : 嘩!  咩咁快既。
(嘻嘻, 打鐵襯熱嘛。)

然後, 係食春茗期間,
我阿大見我去拎甜品,
佢竟然講 : 你仲有三個月之喎, 你唔駛 keep 下呀?!?!?!

好衰架, 連阿大都笑我肥豬仔喇.....
不過我即刻講, 唔緊要喇, 我另一半都唔介意, 你就由我喇, 哈哈。

春茗完畢, 見個個都咁開心,
而我又難得終於見到老細,
我當然為我自己謀福利。

我就膽粗粗咁同老細講 : 老細, 公司可唔可以有婚假呀?
老細講 : 我結婚喎。
我就同老細講, 唔係呀, 係我結婚呀, 今年5月結婚呀。
老細 : 咁你同xxx講喇。
唉~~同xxx講即係無喇,
可憐我既年假完全無晒喇, 仲要no pay添......