東門一日遊

有時, 我會同河馬大師上東門行下。

不過都真係行下, 然後就按下腳走人喇。

我地好少係東門買野, 

因為我肥左好鬼死多, 

東門既衫褲我邊有可能岩著。

河馬大師一樣, 都好少係東門買野, 

因為佢話d衫褲唔值佢地開既價, 

又唔想辛辛苦苦講價喎, 所以算了。

平時我地會食細細間既麵店,

好平, 十幾蚊一碗米粉。

但呢d麵店無裝修, 睇落唔會吸引人入去食。

以我地食左咁多次, 無一次見到有香港人(因為我聽唔到有人講廣東話呀)。

但其實有d真係幾好食架。

今次我地無去麵店, 轉場, 去左呢間叫為食館既餐廳食下午茶。

因為我好熱, 麵店成日都唔開冷氣。

我點左個海鮮炒米粉, 好香架。

仲要有大大杯既檸檬茶, 岩晒我呀。

因為我成日都缺水。

而河馬大師叫左個炸雞脾薯條, 同一杯大大杯既紅豆冰。

佢次次下午茶都會叫炸雞脾。

呢個炸雞脾等左廿分鐘先黎, 但點解個雞脾係bb雞黎既!??!

而且杯紅豆冰, 似奶水多d喎。