姊妹的開門支票

因為我唔鐘意姊妹收到開門利是之後,
攝影師一定會叫姊妹即刻拆開然後拎d錢出黎影相既指定動作,
所以我預備左一張開門支票。

呢張支票其實連姊妹都唔知。
係大婚前一日,

河馬大師既兄弟陪我地一切去拎衫同將d物資預先放去酒樓既時候,
佢見到呢張支票,
佢好奇怪咁問我, 係咪用左呢張支票就唔駛比開門利是。

我話梗係唔係喇, 呢張支票做下樣之嘛。

然後佢話, 咁你班姊妹一定嘈話, 張支票兌唔到現架喎。

我就話, 點解你咁傻架。
你可以講, 呢間銀行確實存在, 只不過要真係超索同聰明人先搵到咪得囉。
唔通班姊妹真係同你講, 自己唔索又或者自己好蠢咩。
如果班姊妹真係咁講, 都好丫, 有得笑下嘛。

而且最後, 都一定會比佢地開門利是架喇。又邊有咁著數, 唔收開門利是既姊妹喎。