結婚幸運事???

其實我唔係想講我有咩幸運事發生,
我係想問大家, 你地有無幸運事發生唧。

事原 : 我有一個同事既細妹都係2012年結婚, 所以我地間中都會講下少少結婚既野,
通常都係我問佢多, 因為佢已經結左婚嘛。
咁佢就突然問我, 你同人講左你結婚之後呢, 個人都會好LUCKY架。
我反問佢, 係咩??!??
同事 : 係呀, 我阿妹決定左結婚之後, 就發生左好多幸運事。
    如: 中左ok之前既豆豆 Jumbo 獎。
    又如 : 去商場Shopping 之後, 參加抽獎, 竟然中左個智能掌上電腦。

我聽完佢咁講之後, 我真係覺得佢細妹好幸運喎。
但回想自己, 我好似無咩特別既幸運事發生, 就連六合彩都未中過20蚊添。

我同事又講, 佢話佢聽人講, 如果決定結婚之後就有好多幸運事發生, 代表你地兩個加埋一齊好旺架。
咁我諗, 點算呀? 我好似同平時一樣, 無特別好運, 亦都無特別衰運喎。
咁我同事就講: 咁你男友有無幸運事發生先?!?!
我心諗諗 : 咁又好似有喎, 真係好似決定結婚之後,即係佢同我求婚而我又答應佢之後, 佢就慢慢有好事發生喇。
但最明顯既好事發生係我地訂左酒席之後。
同事就安慰我說 : 咁可能係你旺夫, 所以你男友幸運, 而你無幸運事。

我即刻諗起, 以前細個八婆仔果時成日都去算命。
每個都不約而同地說 : 我是旺夫益子命。
唔知係算命師加埋一齊呃我, 定真係我條命有呢個現象睇得出黎。
所以, 可能, 我真係旺夫, 嘻嘻。

所以, 就算我無幸運事發生, 我都唔覺得有咩問題。
我相信我老公好, 我都唔會慘得去邊。

咁你地呢? 有無幸運事發生呀??