百年pre-wedding

兩個星期前已經在百年拍完照回來, 但是因為照片一直沒拿到, 所以都沒有更新過什麼。
百年現在變奇怪了, 因為我看以前的blog友分享, 都說百年會立即給回照片的。

但是, 我們拍完後, 百年跟我們說, 說要編好號碼才能給我們。還問我拿了地址, 說會寄給我, 那好吧, 我就給了地址他們。

到了22號那天, 小琴突然msn我, 跟我說, 如果寄給我們, 要收到付費, 我就很奇怪的問他什麼到付。
他說寄快遞給我, 是我要付錢的, 他說客人一直是這樣。
那我就跟他說, 那不如他要寄給我前, 先跟我說, 看我會不會剛好上來, 如果剛好要上來, 就我上來拿了。
如果那時我剛好沒空, 他就寄快遞到付給我吧。
小琴就說, 已經編好了, 我可以隨時拿了。
剛好我和河馬大師打算在25號上深圳的, 那我就自己去拿好了。

其實, 我在還沒拿相的一刻, 我還一直祈盼真的像大肥人說的, 百年會把我們的相片PS了。
可是, 結果我當然是失望的, 百年一張都沒有幫我們PS。

不過, 我們沒看相片前, 還是有驚喜的。
因為阿倫竟然幫我們拍了 351 張相片(其實我們的Package只是拍150張照片的) , 是不是有點多呢?!?!

在拍照日那天, 其實我們跟阿倫他們都一直有說有笑, 在面上表情看來, 阿倫應該都滿意他拍的照片的。
可能是因為我們真的很合作, 他叫我們做什麼動作, 我們都跟著做, 除非我們是真的做不來吧(印象中好像沒有 :P)。

而且在換第4個造型的時候, 妮妮用了至少半小時以上幫我轉造型, 在那段很無聊的時間, 阿倫竟然幫河馬大師拍了很多單人照。

我們終於拿了相片回家, 在這351張照片裡面, 河馬大師竟然有67張單人照, 我只有30張單人照而已。
跟朋友說起, 他們都說第一次聽到新郎的照片比新娘多, 還說笑的說攝影師一定愛上你的男朋友, 哈哈。

好了, 看完照片後, 我不喜歡!!! 河馬大師也不喜歡!!!!
為什麼不喜歡呢??
先不要怪責阿倫, 因為不是阿倫的照片拍的不好。

而是,
河馬大師不喜歡的原因是, 他覺得只是相隔兩個月, 為什麼他變老了變殘了。
其實也是沒辦法的, 因為他拍王子那輯照片, 他有很多時間在休息。
但是, 百年這輯他都沒時間休息, 下班就立即跟我趕上大陸去拍照, 而且他最近公司都有點忙, 他壓力很大。

而我不喜歡的原因是, 照片沒PS過, 看見肥肥的自己, 當然十萬個不喜歡。
第二個不喜歡的原因是, 我不喜歡那些造型,
我一直不喜歡披頭散髮的造型, 放頭髮下來的是OK, 公主頭那些很可愛, 但是我不喜歡披頭散髮!!!!!
另外那些髻, 我也不喜歡, 感覺很老氣。

就是以上的原因, 我們覺得王子那輯比較好看。
照片在下篇分享, 立即寫的了, 很快。

親愛的河馬大師~~~生日喇!!!!

呢幾日真係忙到死,
係公司入單入到腰骨都痛,
不過都係痛埋聽日唧。

聽日 stock take 完, 我就唔理佢既野喇,
不過我仲有好多journal 未入......

今日係河馬大師既生日呀, 本來諗住親自下廚煮返餐既, 不過真係太忙喇, 太累喇。
所以只係出去食 >.<

不過, 我係好早之前就用左個美心既100蚊黎訂左個生日蛋糕喇, 我係靜靜雞訂架,
河馬大師完全唔知道的。嘻嘻 :p

親愛的~~~我愛你呀!!!!!
祝你頭先許果一個好長既願望可以成真!!
仲有, 希望下年你既生日, 我肚裡面就已經有個小baby同你慶祝
而且我地以後以後都要一齊過生日架!!!

累~~~

岩岩收工返屋企, 好累。
年尾要stock take, 公司同事竟然可以仲未入晒d出貨資料, 搞到呢幾日我都無做過自己既野, 只係不停咁幫佢入。
今日入既時候, 竟然發現, 原來佢11月30日既單都可以未入, 真係想死。

無時間睇人地既 blog,
無時間打blog,

其實我有好多篇野想寫下。

百年拍照日
百年婚紗相
boxing day pre-wedding
pre-wedding 化妝
婚紗鞋
姊妹化妝有驚喜
結婚前的最後一個聖誕

不過真係好累, 算喇, 等得閒先再寫。
我估我應該記得既。

驚喜事件之三

我們終於在九時多快十時的時候上到從化了。

因為太多人, 所以百年以前住開的賓館都沒有房間了, 所以我們這次要轉另外一家賓館,

他們說比以前住的貴一點點, 價錢是Rmb138, 其實我和河馬大師也覺得這個價錢是ok的。

而且在這個情況下, 相信我很難說不吧, 難道要訓街上咩。

進到房間之後, 很大呢, 我以前在大陸住過一些Rmb150, 都沒這家大, 而且沒有臭味, 熱水很夠熱, 只是抽氣線很吵而且。

而且, 最最令我驚喜的是, 竟然有...
WI-FI
所以, 你們才會有這那篇驚喜的留言, 我不知道為什麼用手機打不了 Blog 文, 唉!!!

附上賓館房間的照片一張。

超驚喜事件二

話說我成功爭取回優惠後, 我已經心情開朗。

跟河馬大師愉快地吃完提早來的晚飯後, 就再拖著大行李去百年。

到達百年後, 我就想起, 對呀, 我提早來的原因是要選另外的晚裝。

所以我就立即一枝箭的衝過去選晚裝。

我一走到去那邊, OH~~第二個驚喜來了。

就是, 他們換了很多新的晚裝呀!!!! 好多, 至少有六件。

Yeah~~~我可以穿新的衣服了。好開心呀!!!

在我看到第四件的時候, 我的化妝師妮妮過來了, 跟我說他是我明天的化妝師, 然後他問我, 衣服選好了沒。

我說我上次有看過, 但是, 我還是決定不要穿太多白色, 我想剩下的三件也穿晚裝。

他說可以呀, 就算不穿白色也沒關係, 但是他見議我不要選上圍太複雜的, 他怕我穿得不好看。

在他的見議下, 我選了兩件新的晚裝, 一件粉紅色, 一件幻彩藍色, 和我原先的那件白色大拖尾和黑色, 剛好4件。

然後小琴跟我說, 我很幸運, 因為那些衣服才剛回來幾天, 上星期去石門拍的, 都沒有新衣服穿呢。

所以, 我真的很開心喇~~~~~

然後, 等阿倫也來了, 我們就一行五人, 由阿陽開車車我們去從化那邊的賓館了。

在車上的時候我才突然想到, 有那麼多新的衣服, 為什麼我不多選選看, 可能我可以黑色那件都不要, 就選3件新的晚裝。

再或者我連那件大拖尾的婚紗也可以不要, 去看有沒有其他新的婚紗嘛, 嘻嘻

這次選衣服的時間有點趕, 所以都來不及拍照, 只好等他們寄照片給我才可以貼上來喇。

超驚喜事件一

12月17日

今日既行程首先上王子睇排版,  然後要係6點多去到百年, 因為百年跟我說, 我們要準時七時出發到從化。

河馬大師下班後, 我們相約到元朗一起坐小巴經福田過境, 我拖著一個大行李箱, 好重, 裡面都是他的衣服, 我之前就有說過, 上次去百年選衫的時候, 河馬大師覺得他的男裝都沒好看的, 所以他打算都出動自己的私伙, 所以拿了好多呀!!!

本來約了王子那邊是4點看排版, 但是因為百年說在六點多要去到他那邊, 我立即覺得時間很趕, 很怕來不及。
因為我一直在想, 他們應該8點才出發的, 怎知道原來阿倫今天沒有安排工作, 所以今天他放假, 可以早點上去呢。

去到王子後, E~~今天竟然沒有客人在, 所以我們立即就可以看排版了。
其實我跟他都是很隨便的人, 很多細微位都不會太在意, 只要照片上看不見垃圾就可以了。
所以, 只叫他再修補一兩張, 把那個垃圾清掉, 我們的排版就OK了。

那時候才4點半吧, 看見時間尚早, 店內又沒客人。
河馬大師就跟他說回上次那個問題。

有收看我之前說關於王子的事, 都應該知道我說, 因為我們沒在單上說明, 所以在會展時, 他口頭上答應的事, 最後都未能兌現。
現在, 店內沒客人, 我們就大著膽子, 據理力爭回我們會展所爭取到的 "優惠"。
那時候店內的人是 Liza, 他說單不是他開的, 所以他不知道這件事, 那河馬大師叫他打給琪琪, 讓他跟琪琪說。
然後呢, 打通給琪琪後, 河馬大師跟琪琪說了很久。
最後, 以河馬大師那三寸不爛之舌, 當然我們成功爭取到我們的"優惠"回來了。

這真是想不到的, 因為我們每次去王子, 店內都很多客人, 相信這次是因為店內沒什麼客人, 我們才可以這麼容易取回優惠呢。

Yeah~~這就是驚喜一。

附上王子拍的相片一張

超驚喜

要去百年影相喇

我聽日首先要去王子睇排版, 如果ok無問題, 佢會即刻比返d相版我,

到時我返到黎再 share 出黎比你地睇。

然後就過百年, 同百年d人一齊上石門過一晚。

之後星期日就影pre-wedding。

希望今次唔會曬到我燶晒, 同希望唔好太凍喇。

聽聞百年係即刻會比返晒d未ps既相我架。

如果我得閒, 我會再放埋上黎比你地睇下, 最衰我唔識執相, 如果唔係我執好再比你地睇 >.<

嘩!!  突然間覺得我好似要放好多相上黎添。

試妝相, 王子pre-wedding, 百年pre-wedding。

你地唔好催我, 我會盡快架喇, 嘻嘻。

我所有有樣既相都私友化左架,

未升級之前識既blog友仔, 我估你地應該都睇到架, 因為我印象中有add返晒你地, 只係怕唔知會唔會升級問題出錯, 搞到add唔到唧, 如果你地真係睇唔到, 叫我add返你地喇。

另 : 如果有 blogger 想睇, 你可以叫我add你地。

不過我同大家都一樣, 我只會add有keep住寫blog既朋友同有放相既blogger, 公平嘛, 嘻嘻 (其實我係怕比人點相唧 :p)

為姊妹裙頭痛

我覺得我好似好多野都倒轉晒黎做。

好似我自己既婚紗禮服未睇過。

但係我竟然去諗下我媽咪既, 我未來奶奶既, 同埋我D姊妹既。

算喇, 搞掂人地, 自己到時再輕輕鬆鬆搞自己。

-------------------------------------------------------------------------------

我未來姑仔問我, 打算選咩色比姊妹做姊妹裙。
我話唔知呀, 本來我一直諗住係粉紅色。

然後我未來姑仔不停講, 粉紅色好蝦人仔架, 如果肥人著左好核凸。
我心諗, 會咩? 我都成日著粉紅色架喇, 你一向咁心直口快, 連自己媽咪有個小肚腩仔都話肥, 又唔見你話我著得核凸。
不過, 我未來姑仔好瘦, 我估, 大部分人在佢心目中都係肥架喇。

我回想起, 我之前做伴娘, 都係著粉紅色唧。 然後佢又話: 著左粉紅色就會變左蝦條人。

但係我真係唔覺喎。

好喇, 後來我問河馬大師, 如果一定要比個主題顏色係婚紗上面, 佢想要咩色?
河馬大師話 : 紫色。

咁我又諗諗: 咁不如姊妹裙就粉紫色喇, 還掂好似咁多人都鐘意紫色咁。
但係呢, 我未想姑仔件晚裝係深紫色喎, 而我未來奶奶既晚裝就係紫黑色喎,   會唔會同佢地撞晒色呢?!?!

除左顏色之外。 我仲好苦惱可以去邊度買。

我見好多BLOG友仔都去淘寶買, 但係呢 :  我有朋友講左句話, 你唔好買淘寶果D比我著呀。果D點著得落呀!!

但係我又考慮過, 如果係香港做, 首先睇款, 試衫, FITTING, 唔好彩既第二次FITTING, 最後拎衫。 加加埋埋又要去好多次野果間做衫既鋪頭, 我唔會有咁多時間陪佢地去喎。 如果我呢4個姊妹都好難就岩時間一齊去, 要我分別陪佢地去既話, 我估我真係死得囉。

如果淘寶買, 其實我好驚佢張相同佢衫係兩回事, 應該大家都知, 有時佢地唔知去邊度偷相, 相就好靚, 寄到返黎先知賴野。
仲有就係, 就算我比埋尺寸佢, 好多時返到黎個尺寸都係唔岩, 拎去改又好似好麻煩同好貴, 我依家真係唔知點算好呀!!!

你地有無好提議呀??

讓我發洩一下

因為在閒聊下, 讓他們知道我有寫blog, 不想有不愉快的事發生, 所以決定私友化了這篇blog友。

比我怨下, 好長既一篇勞嗦文, 可以唔駛睇, 唔駛理我。
今日我阿頭下午放假, 我又偷懶唔做野, 係度發下勞嗦先, 如果唔係積埋積埋, 我會好辛苦架。

如果有睇我既blog就知道我無咩朋友, 所以我既姊妹呢, 都係岩岩好湊數夠架唧。
所以呢, 好多時既野都真係未必可以咁順到自己既心, 但係我又可以點呢?

其實, 河馬大師聽了很多人都說, 其實很少會包姊妹化妝的, 除非同你既姊妹好 fd, 又或者你好有錢喇。
而且我未來奶奶同姑仔都話, 下?! 點解要包佢地化妝呀? 唔係佢地自己負責既咩?!
咁我未來姑仔更講, 我做左咁多次姊妹, 都未試過有人包姊妹化妝喎, 最多係個新娘幫我地搵左個化妝, 然後要我地自己比返錢唧。未來姑他岩岩先係11月做完姊妹。
所以呢, 佢地對於我話要包姊妹化妝都有少少唔認同。

咁未來奶奶同姑仔果邊, 我唔會同佢地解釋喇。我只想同河馬大師解釋, 我唔係扮有錢, 又或者扮疏爽。
我同河馬大師講, 因為我依家係求人, 人地咁難得肯做我既姊妹,
咁如果佢開聲問我, 你會包埋我既化妝架呵? 你叫我點答佢, 我唔包架, 你自己搵喇。
同埋, 根本我同姊妹們都無溝通過化妝呢個問題, 佢地就已經覺得我係一定要包。
咁唔通要我開聲話: 下? 化妝梗係你自己搞掂喇。 我真係講不出聲呀。
所以, 我只好係我自己既化妝上面將就, 我搵一個平又唔差既化妝師咪得喇, 將剩返落黎既錢用係姊妹化妝度。

咁河馬大師都有好大既疑問, 問我, 咁我搵d咩價位既姊妹化妝。
我話: 我會好衰咁, 我唔理架喇, 最緊要平囉, 唔係點喎, 唔通搵個五百蚊一位既姊妹化妝咩? 我又唔係好有錢。然後我再問河馬大師, 如果你識人肯幫我免費化姊妹妝就更好喇。 不過我係北角出門, 我估你都難d搵到架喇。

最後, 河馬大師明白我既難處, 所以佢都同意我包埋姊妹化妝。仲叫我唔駛專登搵一個平既化妝師比自己, 要搵一個我鐘意, 化得我好既先得。佢話最多之後辛苦d捱麵包唧 (不過依家d麵包好貴 >.<)

雖然河馬大師係咁講, 但係, 以我既性格, 我又點可能會搵個貴架呢, 所以我都仍然好努力地去搵一個平既化妝師 (幸運地我搵到喇)。

----------------------------------------------------------------------------------

係呢段時間, 我呢d姊妹有時見到關於結婚既野, 或多或少會同我講下。
跟住, 就發生左以下既一小段:

突然間, 一個姊妹比左個新娘化妝我,
姊妹 :   喂, 呢個靚呀, 你仲未搵化妝嘛, 不如你試下呢個喇。
我 : 下, 睇下先。貴唔貴架?
姊妹 :  唔係好貴之嘛 (九千八百八十八元) 。嘩, 佢既姊妹化妝仲平, 四百五十蚊一位, 你book佢喇, 依家即係打電話比佢book喇。
我 : (心諗 : 我好似仲未同你地講會包你地既姊妹化妝喎, 點解你就已經好似食硬我咁既。) 好貴呀, 佢既package要差不多成萬蚊, 我無錢呀。
姊妹 :  車~~你點會無呀, 你唔係去3個地方渡蜜月咩?


唉~~唔通我去3個地方旅行就要同你 share 下我既錢咩?
而且我去3個地方旅行亦都唔代表我係好有錢架喎, 你點知我坐咩機位呀? 我係坐超平機位, 所以先要不停轉機, 還掂都轉機喇, 咁先係果個地方留多兩日唧喎。
仲有酒店, 你唔比我係book一百蚊一晚果種有蟲既酒店架嘛, 可能我去到日日都只係食杯麵呢。
點解去3個地方就要代表我有錢呢!??!

----------------------------------------------------------------------------------

而關於姊妹裙, 我同河馬大師一早就有共識, 係一定要提供的。河馬大師係因為想影相果時一致d, 而我係因為唔想佢地晒錢買衫黎做我姊妹, 你知喇, 我個心態始終都係覺得求人嘛。

咁我好早既時候就同河馬大師暗暗決定, 不如去淘寶訂喇, 都係想有件姊妹裙, 唔駛佢地突登晒錢去買唧。而且淘寶好平, 我地都可以負擔得黎, 到時咪比埋條裙佢地, 當送比佢地做一個紀念囉。但係呢, 我地當然都仲係未同姊妹講會係淘寶買呢件事喇, 只係問佢地可唔可以幫手做果時就即刻講埋, 會包佢地既姊妹裙, 唔駛佢地專登買。

不過開於姊妹裙, 我同我既姊妹都又有一段小插曲喎。

我 : 係喎, 你想要長既姊妹裙定短既姊妹裙呀?
姊妹 : 短喇, 方便d嘛, 而且你果時5月, 應該熱架喇。
我 : 嗯, 咁好喇。等我問埋其他d姊妹短既好唔好。
姊妹 : 嗯, 好呀, 你去問佢地喇。不過你有無諗過咩顏色呀?
我 : 未呀, 因為我自己果晚著咩都未諗呀。
姊妹 : 下? 你自己都未搞掂, 你又問我要長定短?
我 : 自己搞自己方便d嘛, 只要自己鐘意, 就可以即刻決定, 而且我咁肥, 著咩都差不多, 唔會好睇得去邊喇。
姊妹 : 嗯, 都未必唧。 係喎, 咁你都未去睇衫, 咁你決定係邊度買姊妹裙呀?
我 : 我唔知買定租好, 不過我估都係買多架喇, 你有無好介紹?
姊妹 : 嗯, 買都好。我無好介紹呀。不過呢, 你唔好買淘寶果d比我喎, 果d咁 cheap, 點著得人架。
我 : ...............................


淘寶好 cheap 咩? 我都係淘寶買過婚紗去影 pre-wedding 喇, 依家都唔知幾多人去淘寶買姊妹裙呀? 你真係以為依家淘寶好平呀。
一條普通樣既, 只係質料好少少既姊妹裙, 都要百五蚊人仔喇, 計埋定做費30蚊, 當佢運費20蚊, 就要兩百蚊人仔喇。咁樣就已經要港幣兩百五喇, 淘寶仲要承受一個風險就係, 我比左尺寸佢, 都未必岩碼, 可能你比錯左我, 又或者佢地根本做錯碼。 然後我幫你拎去改, 果度又分分鐘五十蚊, 咁樣你條裙都300蚊喇, 我真係想問有幾 cheap 呀? 唔通你想我買名師設計既姊妹裙比你? 一千蚊一條先叫唔 cheap ??

----------------------------------------------------------------------------------

雖然, 我唔係你一個好fd既朋友, 但係你答應左做我姊妹, 咁你可唔可以都為我諗下呢?
難道你一心諗住做我姊妹係因為明知我地一定會派帖比你, 而你做左我姊妹既話, 你就唔駛比人情既關係, 先答應做我姊妹?
所以, 你從來都無為我諗過, 一對新人為左結婚既開支到底有幾大。
而你只係要求我去比一d你覺得靚既野你去當日可以免費扮靚?

我從來都不是有錢人, 我唔可以唔睇價錢去買野, 有時同你傾計, 我都有同你講, 我件衫買左五十蚊, 條褲, 69囉。 對鞋咩? 童裝鞋黎架, 平好多。
你真係以為我係呃你亂作d價錢咩?

眼見人地既姊妹會為左新娘去做咩, 諗咩, 又或者比d咩意見。
你問我會唔會羨慕嗎? 我會, 因為我羨慕佢地有一幫咁肯真心幫手既姊妹。

你問我有無唔開心咩? 咁我唔會, 因為明知道我對你地唔可以要求咁高。畢竟你地係勉強答應的。

我唔要求你地幫我諗咩玩兄弟既遊戲, 又或者預備d咩道具。
但係你地可唔可以都唔好要求我, 去提供你地覺得最好既野, 比你地去扮到最靚黎搶左我當日該有既風頭呢??


親愛的, 相信當日你既兄弟應該會好辛苦, 真係唔好意思, 要麻煩佢地喇。

Pre-Wedding 的化妝的尋找

其實, 我可能仲有一輯 Pre-Wedding可以影。河馬大師因為Kenji的關係, 認識了一個同樣是拍攝發燒友的攝影師。
然後, 那個攝影師朋友仔也幫河馬大師影過一輯 "美男照"。 所以, 就成為一般的朋友吧。

這個攝影師朋友看見河馬大師放出來的王子偷拍相, 就自告奮勇地說也幫我地拍一輯。
河馬大師聽到, 當然 say yes。因為河馬大師實在太喜歡被拍了。哈哈。

這個攝影師只要求我們自行準備服裝, 他說會幫我們找化妝的, 也可以讓我們順道試妝(因為我還沒找到化妝的關係。)

我們跟這個化妝聯絡過, 他說: 不如就在攝影師幫我地影相果日順便試埋妝, 咁我地就唔駛咁麻煩喇。

我們聽到當然說好喇。
問了攝影師朋友, 他說他會在11月27日有空, 不如就約這天。還說會跟我們約好那個化妝, 不用我們再打電話溝通。

可是~ 晴天霹靂~~~~

在11月27日到來的前三天, 攝影師朋友突然說那天他沒空, 臨時有事, 可不可以改期。

其實, 我們那有說不的道理呢? 因為是他免費幫我們拍照。

但是, 當時我很心急這個化妝問題。所以就問河馬大師, 那我的化妝怎辦。

河馬大師就只好自己打電話給那個化妝師, 跟他說因為我著急結婚當天的化妝, 所以就問他我們可不可以提前試妝? 不要等pre-wedding那天。
化妝師說可以, 不過他說他整個12月和1月也沒空。

我聽後, 心諗 : 玩野咩? 無時間咪唔試囉, 還掂睇你比我既 profile , 你化既妝都唔見得好正, 唔希罕呀 (安慰自己mode)

然後再問那個攝影師朋友, 你那個化妝師好像沒空呀, 我地搵唔到佢試妝喇。
然後攝影師說, 對呀, 然後反問河馬大師, 問我識唔識自己化妝? 話不如幫我地影果日叫我自己化少少妝喎。

下??~~  什麼??~~ 當然不可能喇, 我不會化妝的。

所以才這個情況下, 我自己試下上網搵下, 有無免費既pre-wedding化妝。

幸運地, 我搵到3個。
第一個 : Wendy, 佢仲可以試妝先, 不過要照妝前妝後照, 妝前妝後對我來說當然無問題喇, 我已經影左好多喇。不過佢唔會跟妝, 只提供到店化妝。我亦都在星期日去了他店試妝喇。 相片後補。

第二個 : 他的回覆是, 問了我日子後就再潛水了, 沒再回覆。 哎呀~~得唔得都講聲嘛, 至少都比我知喇。

第三個 : 在網頁上明明說不收分毫, 只為爭取經驗, 只要將拍攝後的照片給他幾張就可當做報酬的。 但是我send email 問佢既時候, 佢答我: 要另附$200。E~~點解同你網頁寫既咁大分別既?!

所以呢, 我只去了 Wendy 度試妝唧。

一來, Wendy 係免費。
二來, 這個攝影師, 總有個直覺告訴我, 佢一定又會改期, 或者根本拍不成。

所以真係要再次多謝 Kenji, 係咁短促既時間下, 就補上11月27日的 pre-wedding 拍攝日。感謝。

南生圍 pre-wedding

我知我懶架喇, 咁遲, 都成兩個星期既事喇。

不過我都想補返落黎, 比自己有個記憶。

話說: 河馬大師既朋友話幫我地影pre-wedding, 佢仲好好人咁幫我地搵埋化妝, 我地只需要帶服裝就可以了。

而我就在淘寶買左婚紗, 咁我地就隨時可以 ready 架喇, 我一定不可以等我減肥成功先去影, 因為等我減肥成功, 我怕可能要等十年 >.<

不過河馬大師話, 我地只係婚紗係唔足夠, 最好準備埋頭飾, 因為唔知個化妝師係咩人, 會唔會有頭飾可以借比我地。
咁好喇, 我地再去買埋頭飾。

11月27日

這天就是去南生圍拍照的日子, 由於朋友係免費同我地影既, 所以我地為表示謝意, 就一早買定麥當勞早餐比佢地食。
食飽飽早餐後, 化妝師就幫我地化妝喇, 原來呢個化妝師, 我係其他BLOG友仔度都曾經見過架。估唔到佢竟然係攝影師既舊同學仔。
本來我諗住, 如果佢化得好, 就可以搵佢做我BIG DAY既Mua架嘛, 點知~~恭喜晒, 原來化妝師佢有喜呀, 仲要係下年5月係預產期 >.<
攝影師仲講, 如果我地覺得佢化得好, 就唔駛辛苦去搵mua喇, 其實, 我地未黎之前都係咁諗架, 嗚嗚 >.<

但因為有喜既關係, 就算唔係預產期, 我都無可以搵到佢做我big day 既化妝師, 一來, 跟全日佢實在會太辛苦。二來, 我媽咪同未來奶奶都唔會比。
唯有多謝佢, 今日咁辛苦幫我地化妝, 仲做埋打燈師添呀, 真係辛苦晒你呀 ~~ Coey。

我地化好晒妝, 換好晒衫。就由攝影師渣車, 車我地去南生圍。南生圍附近有一檔食豆腐花好滑的, 所以我地又去食左先。好搞笑的, 我化晒妝, SET行晒個頭, 然後坐係果檔野度食豆腐花, 其實都有比人望住晒, 不過我唔理喇, 因為我太為食喇, 嘻嘻。

入到南生圍, 嘩!!  
個天好靚呀, 好藍, 一舊白雲都無, 真係一舊都無, 完全係萬里無雲, 所以晒到我死死下。
經過上次王子一戰後, 我今次醒左, 一早擦定防曬, 仲擦埋蚊怕水。

化妝師有幫我係手臂上擦粉, 佢話咁樣睇落無咁一節節色呀。
不過呢, 我唔記得同化妝師講, 其實我上手臂同個身一樣色的, 我係下手臂先黑D, 所以佢擦左好多係上手臂, 最後影相出黎, 搞到個手臂睇落得更黑

好像佢想我地影一張動感d既相, 佢竟然選擇同我地跑住一齊影。其實佢好辛苦架, 仲要咩住佢既攝影器材。

我同河馬大師都未入過南生圍的, 佢帶住我地去搵好多唔同既靚境(搞到佢都比蚊咬), 影左好多靚相。

係尋走既時候, 又專登車我地出返去錦上路既西鐵站等我地方便搭車。

而且我仲威迫佢, 幫我執瘦d, 哈哈, 同埋因為件白色婚紗係唔岩身既關係, 會走光, 我叫佢小心d, 執左我既 Girdle, 我諗佢事後功夫仲辛苦。

果日真係影得好開心。 雖然我仲未睇晒果日既相, 不過剩係睇幾張我都覺得靚喇, 哈哈。

在此要再次多謝攝影師 Kenji 幫我地影左咁靚既相。

同埋大左肚仲辛苦同我地打燈, 又將我變到咁靚既化妝師 Coey。

真係多謝晒呀

YAHOO 玩野定我公司問題?

之前我提過, 男朋友既朋友仔會幫我地去南生圍影 pre-wedding,
咁我岩岩上facebook, 見到個朋友仔執左張我覺得好靚既相,

我好想即刻 upload 上黎比大家睇下。

點知我試過好多次, yahoo 都唔比我 upload 呢張相喎....
哎呀~~點算呀。

希望今晚返屋企記得 upload 返上黎比你地睇喇.

激死人~~~~

淘寶 - 購物

河馬大師有一個朋友很喜歡拍照, 河馬大師就多口問句, 可不可以拍我們試試拍 pre-wedding?

他的朋友真的很阿沙力, 還答應幫我們找化妝, 我們只需要預備婚紗就可以了。

所以, 為了這次的 pre-wedding, 我只好在淘寶選購婚紗了。

除了在淘寶之外, 我想不到還有什麼地方有平婚紗。

經過我一輪的選擇, 我選了兩件婚紗,

一件白色的, 一件粉紅色的

都是在同一家店買的。

收貨後, 在公司急不及待拆開來看, 看起來不錯呀。

回家就立即試穿, 我先試穿粉紅色那件, E~~好合身呀, 就算胸位都剛剛好, 所以就沒有試穿白色那件。

朋友問我怎樣, 我都說很合身。

後來, 因為那朋友叫我們把婚紗拍了給他看, 讓他想想去那影 pre-wedding,

那我就再穿那些婚紗拍給他看。

粉紅色又件當然是沒問題的。

但是, 白色那件, 哎呀~~幹什麼喇, 根本就不合身的, 他那個胸位實在太差了。
因為我的胸部比較大, 而這件白色婚紗的胸部的布是很少, 所以他是不可能將我的胸部包起來的, 我不知道應該怎樣形容。
或者用胸圍內形容吧, 他的杯位就是半杯的, 對於一個大胸部的女人來說, 半杯的內衣, 真的可以避就避的, 因為一不小心必定會走光。

唉~~~我想過很多可以改善的方法, 都不可能, 只有加上外套吧, 不然, 我知道我拍的時候, 一定要常常把婚紗拉高, 因為他的胸部位置比我的 girdle 還低。

算了, 都買了。 小心點吧。

婚紗就是以下的店買的 :

http://mjfs.tmall.com/shop/viewShop.htm

嫁妝箱

其實我唔知點解要買, 我見個個 blog 友仔都有買, 咁我就問下喇, 原來都係一種嫁妝之一。

okok, 無問題, 那我們也要新的行李箱, 因為舊的已經壞了, 那就買一個新的, 當做嫁妝箱吧。


咁我地係吉之島買完龍鳳被之後, 本來是打算回家的。

去到樓下, 見到行李箱部。 然後河馬大師話, 哇! 八折喎。
好唔好依家買埋, 還掂遲早都要買架喇。

咁我話, 好喇。

我地就主要睇d 紅色既, 本來有諗過, 睇果d子母箱好唔好, 因為有兩個喎。
不過佢係布既, 又好似唔係咁好喎。

又睇d成個都硬既, 又好重喎。
咁最後就諗住要d硬既, 拉鏈果度軟既。 拎起又唔算重既箱。

咁都睇中幾個既, 後來再望望, 比我發現左一個米奇老鼠架。
哇, 好似好靚呀!!!!

問一問佢, 佢話無紅色深紅果d, 只有粉紅色。

下!? 又係粉紅色?!

心諗: 會唔會唔係咁好呢, 又係粉紅色。

係度諗緊之制, 原來後面仲有一個都係米奇既, 不過呢個係令身, 有深紫紅色。
E~~深紫紅色好似幾好喎。

睇下裡面既內籠先。 比粉紅色果個實用同好d喎, 而且比頭先睇果d 深紅色平好鬼多呀!!!
八折之後真係平好多好多......

同河馬大師講, 不如要呢個喇。

所以, 我就買左呢個行李箱做嫁妝箱喇。

不過因為未有貨, 所以我影唔到相喇。

龍鳳被

星期日, 要回荃灣吃飯。
通常我都會晚點自己出去的, 不過聽河馬大師的語氣, 好像想我陪他一起早點出。
那好吧, 我說我可以去吉之島逛逛, 看看龍鳳被那些有沒有減價。

因為之前一田減價, 我錯過了, 唉~~

怎知道今天, 原來吉之島大減價。
很多商品不是有九折就是有八折, 只要立即申請他的Aeon卡就可以, 而且我問過, 頭一年年費全免, 而且還送$30現金卷。
感覺上, 好像很抵呀!!!

所以, 我自己就在吉之島隨便看看。
但是人很多, 很多人不停對著我咳, 我真的不明白, 為什麼他們可以這樣的沒公德, 你咳的時候不可以遮住口的嗎?!?!

但是, 可能人太多了, 我行到有點頭暈, 我看見真的有龍鳳的那種 "喜被", 好像只有三四款。
說真的, 我不太喜歡。而且價錢都不便宜, 通通都要一千元以上的, 就算打九折, 也九百多快接近一千, 說真的, 我也不覺得便宜。
感覺上, 只用那一個月, 會不會很不化算呢?!?!

而且我習慣要河馬大師做決定的, 所以我只想看看, 記下價錢, 然後再回去問問河馬大師。

回去後, 我就問一問我未來奶奶, 我問他, 龍鳳被是不是一定要買紅色的龍鳳又或者喜字那種。
開心的是, 未來奶奶說, 不用喇, 只要是喜慶色和全新就可以了。

yeah!!~~
聽他這樣說, 那就好了, 我決定等一下去看喜慶色的床單就算了。

所以, 吃完飯後, 我就立即拉了河馬大師去吉之島逛。

怎知道他又買鞋了.....

等他試鞋試很久呢.....

等他買完鞋後, 我們就立即到樓上的床上用品部。

我先帶他去看那些傳統的龍鳳被, 雖然我不喜歡, 但是我也要尊重他, 看他要不要一定買這些傳統的龍鳳被嘛。

他看後就說, 不喜歡這些。還問我是不是一定要買呢?

我說,  我問過你媽, 他說喜慶色就可以。然後我就帶他去看米奇老鼠那些, 嘻嘻, 其實我很喜歡米奇BB的, 可惜沒有BB系列的床單。

我拉他去看一套粉紅玩的米奇床單, 他是有整套連被的。

河馬大師問我, 粉紅色會不會不好, 我說不會, 粉紅色也是喜慶色嘛。

所以, 我們就決定買下這套粉紅色的米奇了。

懶~~

哇~~~

我懶左好耐, 呢度封晒塵添~~~

好, 寫返最近既野先。