王子睇完相返黎喇

嗯....唔好意思, 呢篇係無相睇既

唔係因為我懶, 又或者私友化所以唔 post 相喎,
係我真係未有相呀

搞咩呢, 我真係唔知原來join王子要咁麻煩架, 我一直都以為好似百年, 又或者非視覺果d咁, (因為我之前join左百年, 所以差不多只睇關於百年jm既blog)
我一影完相, 佢會即刻燒返隻碟比我喇, 然後我可以自己係屋企揀相。 揀完之後, 就用msn又或者email話返比佢知, 等佢排完版再send比我, 然後我就去拎相, 完成。

哎呀~~~~原來王子唔係咁架, 真係好麻煩呀!!!!

係我影完之後, 佢無得即刻比返d相我, 我已經有小小唔開心。
然後我好辛苦咁等左一個月喇, 我終於可以上去睇相喇, 咁我梗係諗住可以即刻有返晒d數碼檔, 點知我尋日上到去, 又係無喎, 搞錯呀。你係咪都執晒d相架喇, 咁你比返d數碼檔我又有咩問題呀???!!!!
點知, 佢話要等我去睇排版果時先可以一次過拎返d數碼檔。

下??什麼???又要我上黎多一次, 玩咩, 上黎咁多次, uwants 同香討果d一定係做馬架, 我問佢地, 佢地話可以即刻拎返d相, 又話只係上去3次就搞掂, 屁呀, 我現在就已經上了3次喇。
第一次選衣服, 第二次拍照, 第三次看相片, 現在還要我上第四次是什麼睇排版, 然後還有第五次就是拿成品, 重點是成品全都沒問題才是, 假如成品有問題, 那不就是說還要再上嗎!!!!!!!!!!

好嬲呀!!!!!

我記得會展果時問佢, 佢都無話要上咁多次, 依家d人真係丫, 叫你買果時就話咩都得, 依家真係比左錢就咩都唔得。
仲有呀, 真係要提醒各位, 如果佢要你上到次, 你要嘈佢, 話無咁多時間, 話book果時你無話要上咁多次, 邊有咁多時間不停上去喎, 玩咩!!!

仲有仲有, 如果你地真係join既時候, 同佢地講過成品係點點點既, 真係通通都要佢地寫係張單到。唔理最後你會唔會更改。
例如: 你地當初在會展傾既時候, 你問佢, 如果我加大相薄, 例如由10寸加到15寸要比幾多錢, 如果佢當時答你500蚊, 你就一定要佢係張單度寫清楚。
因為你過左咁多個月先去影既時候, 佢會同佢講, 500做唔到架喎, 然後又話, 我地都未試過做到500呢個價。
就算你話會展果時你係咁講架, 佢都會賴話係你記錯。所以, 寫低就無得抵賴嘛。而且仲要寫清楚d呀, 係改成15寸既pvc/皮面/雜誌面既相薄, 如果唔係, 到時可能佢又會賴, 500係改15"既皮面相薄唧, 如果你要雜誌面又或是pvc面, 要加多幾多幾多架, 咁就晒氣喇, 係咪?!

我就係因為無寫清楚, 係因為我根本無諗過要寫清楚, 佢呃我話係 standard 的, 咁我諗住係 standard, 咪唔駛寫囉。
點知去到, 佢又賴帳話唔係喎, 激死我呀!!!!

同埋, 如果你果d細相薄轉大相薄, 就好似我之前明明見到有人話兩本7"相薄可以換做一本12"既大相薄。我依家去, 佢就要我3本7"相薄先可以改做一本12"既皮面相薄, 如果我想要雜誌面就要加錢, 假如我想要轉pvc面要加更多的錢, 咁我真係啋佢都傻, 要加錢我咪唔轉囉, 哼!!!

總之我就好激死喇!!!!

所以, 王子 pre-wedding相無得睇喇, 要等到12月去睇排版果時先可以比返我喎。
仲有, 如果你叫佢幫你執瘦d, 佢真係會執瘦你架, 因為我叫佢幫我執瘦個手臂同腰, 佢真係幫我執瘦手臂同腰。我叫佢唔好執個樣, 我想個樣自然d, 點知佢真係無幫我執樣, 搞到有條頭髮仔跌左落黎都唔理


好喇, 相我欠住大家先, 到真係收到既時候先 post 比你地睇喇