oh~~ 突發事件呀!!點算呀!!!
河馬大師有個朋友學影相, 其實都學左好耐, 係facebook度都睇到佢影既相唔錯, 而且河馬大師話好鐘意佢影既感覺。
所以河馬大師就多口問佢朋友一句, 你幾時得閒幫我影呀!!
佢朋友就話：不如今個星期日呀, 叫埋你女朋友一齊去影。等我幫你諗定d意境先。
就係咁, 黎緊呢個星期日, 我突然要同河馬大師去影相相喇。 雖然唔係d咩 pre-wedding 相, 只係普通既情侶合照, 但係........最麻煩既事出現左喇
就係我仲未減肥同埋我唔識化妝呀
我問河馬大師, 我係咪點都要化少少妝呀? 河馬大師話, 梗係最好喇, 但點算呀, 我又無化妝品, 又唔識化妝, 點樣先可以簡單地, 看起來, 有少少似化左妝既感覺呢?!?!
唉~~真係麻煩呀!!!
苦惱中~~~~~
same here.... I also don't know how to do makeup....
ReplyDelete[版主回覆05/25/2011 20:27:00]係喇, 化妝真係一門相當高深既學問, 對於我呢d咁懶既人, 真係無咩深究既興趣 >.<
比錢化個姐妹妝兼set頭囉~ 都係二三百唧?!
ReplyDelete[版主回覆05/25/2011 20:28:00]只係普通影下情侶相, 覺得搵人化妝兼set頭, 我怕誇張左少少呀 :p
去睇下有mo 免費試妝果d呀如果唔想比錢的話....hee
ReplyDelete[版主回覆05/25/2011 20:29:00]其實我都見過有免費試妝果d, 不過我唔想咁誇張呀 0.0
比錢人化妝都唔一定化得好誇張架喎~~
ReplyDelete[版主回覆05/26/2011 13:18:00]就係因為唔識化妝, 所以先會覺得搵人化會好誇張, 哈哈 不過我聽朋友見議, 買枝bb cream查, 然後再查少少有色既潤唇膏, 都應該ok掛。。。
買D BB CREAM ,同埋用睫目液有助整曲OR整長的眼一毛!!!!!
ReplyDelete