9次??

我昨晚睡不好, 半夜上戴了試妝的相, 

打算開始記錄我之前試妝的點滴,

在看照片的同時, 我算一算,

哇, 好像有點誇張, 

原來我已經試了九次的妝,

會不會太過分呢!??!

終於要開始用私友化了,

雖然我不介意給人看到我素顏的照片,

但是我介意隨便讓一些我不認識, 又或是沒交流的人看了我照片和我心裡的種種想法,

感覺上好像有點被人偷窺似的。

所以, 以後有樣貌的BLOG文中, 我也會靜俏俏地將BLOG文變為私友化了。

我也會慢慢將這九次的試妝, 寫下一點點的回憶記錄, 如果看到這封的 BLOG 友們, 表示你已經在我私友化的名單之內, 所以, 如果怕我之後BLOG內的照片把你們嚇一跳, 看見標題時可以略過, 哈哈。

其實我不覺得我自己的樣子有多恐怖, 美女當然說不上, 但是至少我不會認為我需要去整容, 因為, 我愛我自己, 無論我長什麼樣子, 我也一樣愛我自己。

這不是自大, 是因為我聽過以下的說話 ：

 - 要讓人愛上你, 你必須先要愛上你自己。

亦聽過

 - 不愛自己的人, 又怎可能得到別人的愛。

更聽過

 - 一個女人的美醜, 不一定要靠樣貌, 自信 - 也可以讓人變得美。

哈哈, 希望我的自信不會讓你們覺得我是自大吧。

關於王子試衫

我好緊張呀, 我10月就要去王子影相喇, 但係我到依家都仲未減到肥, 係一磅都減唔到呀, 今次真係死得喇, 我真係唔想自己成個肥豬咁去影相, 但係我又為食, 真係好為食, 點算呀, 點算呀, 

上面果d係題外話, 依家開始正題, 不過當然好多人都可能已經知道既事, 不過, 只係得我唔知囉。

話說我約了10月的其中一個星期六去影相的, 因為當時我同我親愛的都只是五天工作周的人, 但係, 我親愛的轉工了, 變了星期六也要上半天的班, 我地又唔想請假喎, 所以, 只好同王子改期影相。

王子的期可能真的很滿, 幾經辛苦下, 我們終於改了一個日期, 是我們都不用請假的日子去拍照 (不過提前左喇, 減肥既日子又短左喇 >.<) , 希望拍照那天不要下雨, 不然又改, 我會喊架。

咁同王子改完期之後, 就順便問一下, 我地要幾時黎試衫, 佢話其實只係就我地方便, 但是如果我們想在星期六, 日 和假期就要提前預約, 因為他說不可能一大群人一起試衫嘛, 如果有幾對新人同時試衫, 可能你想試的給其他人試緊, 那會浪費時間, 其實我覺得佢講得好岩, 而且都諗得周到, 只係, 我自己實在太......唉...總之我就諗唔到呢個問題喇。

所以, 我想約試衫的日子, 都滿了, 我問了三個日子都是full的, 還好, 最後, 我終於約到9月的其中一個星期六, 雖然好像早了一點點試衫, 但是, 沒關係吧, 實在不想請假去試衫呢。

我的假期相當寶貴, 是用來給我在家 hea 足一天的, 哈哈。

哎呀~~如果親愛的睇到, 一定又鬧我係懶豬仔喇, 哈哈, 不過我認架, 我真係, 吹咩

所以呢, 如果要約王子試衫, 最好早一點預約, 那會比較容易約到心儀的日子吧。

王子試衫的時間 : 如果是平日, 不限時的, 如果假日, 好像只可以試兩個小時, 但是相信你試超過兩小時, 他們應該都不會趕你走的, 仲有, 最晚約試衫的時間是下午四時正。

這些都是我約王子試衫的時候, 他們跟我說的。

姐妹人數?

哎呀~~

你地知唔知姐妹人數係要單數定雙數架?

我睇到好亂,

有d人話, 姐妹伴娘加埋一齊, 要單數,

又有人話, 姐妹伴娘加埋一齊, 要雙數,

咁究竟單數定雙數架?

同埋, 其實我真係唔知要搵幾多姐妹好,

因為我既朋友真係唔多, 

我擺十圍酒 (不過可能到時會加既), 

伴娘打算搵大細佬既女朋友 (不過佢同我一樣, 仲未減到肥 )

姐妹呢, 就搵我一個最好既朋友, 由中學識到依家, 果時我仲係做佢伴娘架,

同埋, 我家姐既好朋友, 佢地係小學同學黎架, 所以都可以話叫做由細睇到我大。

所以, 我依家有1個伴娘, 3個姐妹。

但係我同事話, 好似好少人喎。

其實我家姐有兩個女, 佢地係我結婚果日, 一個17歲, 一個19歲, 我同事提議, 不如叫埋佢地兩個一齊做你姐妹, 等佢地見識下嘛,

不過呢, 我又好想佢地怕怕醜醜, 咩都唔敢做。

不過佢地兩個同我男朋友既關係好好, 因為果時我地拍拖, 間中都帶埋佢地兩個同佢地一齊出街既, 我覺得佢地既關係仲好過同佢地兩個舅父, 哈哈。

我只係怕, 佢地兩個對住我男朋友既兄弟怕醜唧。

所以依家真係唔知點算好, 不如你地比下意見我丫。

唔該晒

尋找試妝之路

停左好耐添, 哈哈

其實我真的很喜歡網遊, 因為我係一個不折不扣的宅女。

在網遊的時間, 我發現到, 原來是有免費試妝這回事, 只是看你運氣找不找得到, 又或者那人提供的時間, 你是否有辦法遷就, 如果幸運, 可能就可以這樣找到大日子的 mua。

但亦都可能, 你找到提供 mua 的免費試妝, 其實也只是剛學滿師, 手藝還沒純熟, 他也只是想找一個可以練習練習的機會, 又或者他也只是碰碰運氣, 看看找不找得到一個客人。

又或是, 想作一個宣傳的途徑, 不論你最後決定join還是不join。

而我發現, 差不多所有的免費試妝, 他們都有一個條件,

就是必須放你的妝前素顏照在網上, 其實我明白的, 因為正常來說, 妝前和妝後一定有分別的, 通常來說, 妝後一定比妝前漂亮, 如果不是, 又怎會那麼多人化妝呢。

而我亦發現, 其實很多所謂的素顏照和妝後照, 應該是經過電腦技巧修飾過的, 哈哈, 因為顏色有點不同。其他的, 我就看不出來了, 因為我電腦的技巧不高。

但對於我來說, 素顏不素顏, 其實我並不介意, 因為我平常出門就是素顏了。他們用不用電腦去修飾, 我也不在乎, 因為認識我的朋友, 都知道我素顏是什麼樣子, 不認識我的人, 我又何必在乎他們在網上指指點點呢。 所以, 他們放我的素顏照, 對我影響不大。

經過這樣的 "開解" 之後, 我決定向我找到的免費試妝之路出發。

當然, 我希望可以在這些免費試妝中真的找到我大日子的mua, 不過, 真的只是希望。

可以再寫喇

電腦終於好了,

我又可以記錄下我為結婚所準備的,

和我為結婚所經過的心路歷程。

其實,

我寫呢個blog,

亦都可以比親愛的睇下, 我心裡面的想法,

所以, 寫blog亦都係我地一個幾好既溝通方法。
呢段時間, 其實有好多野想寫
不過自己懶, 而且公司呢排真係好忙好忙好忙,
所以咩都無寫到。
我打算慢慢寫返晒,
因為諗諗下, 時間都唔係一個問題, 因為我只係打算記錄返一些關於結婚既事,
所以, 我會抽時間, 好努力咁寫返我之前既心情, 哈哈。 (其實係我懶既藉口)

IPHONE 問題

係喎, 點解IPHONE睇唔到YAHOO BLOG既?

有無人知道點解呀??

定要用一些特別的方法才可以上 YAHOO BLOG 呢?

之前電腦壞左既時候, 有時想上 BLOG 睇下野都睇唔到,

次次都要返公司先可以睇, 但係公司又好忙, 我老闆又坐係我後面, 

上網真係好麻煩, 唔方便加唔可以明目張膽, 唉~~

唉..好傷心

唉..好傷心...

我的電腦死左喇, 連 HARD DISC 一齊死埋,

我裡面有好多好多有記念價值既相, 

仲有我地既求婚全記錄,

仲有我以前剩落既好多資料,

依家咩都無晒。

依家除左要晒錢買部新電腦之外, 仲要搵間 data recovery 公司幫我拎返晒d資料出黎。

諗諗下, 仲有我之前試妝既相都無左, 寫唔到關於 mua 添。

唉, 今次真係大出血。

有排都無得寫blog, 無電腦用, 無得上網喇。

煩煩煩。