在結婚之初, 我真的有諗過好多野都自己 Diy,
一來可以慳錢, 二來又可以整一d自己鐘意既野喎。
點知, 黎到仲有兩個月既時間,
我連一件 Diy 既物品都沒做過。
其實我已經做晒功課, 上網睇晒人地既 Diy 教學架喇。
不過, 要出深水埗去買又好遠喎,
我就成日都想等河馬大師得閒既時候陪我去買。
平時我放工既時間一定買唔切, 我係屯門返工。
而星期六日 , 又因為佢呢份工好忙,
成日都唔得閒,
又邊有可能陪我去買。
咁我自己一個, 又唔會出去喎,
同埋, 我話自己一個出去,
佢又唔比喎,
佢就算放工好累, 又或者無得訓,
佢都會陪我出去,
(唔怕講比大家知, 因為我路痴,我係深水埗都有機會行錯喎。)
所以佢唔放心喇,
咁我又唔想佢咁辛苦嘛。
所以, 一日拖一日, 一日推一日,
到左依家我都仲未買到任何既野 Diy。
咁上個月,
我同河馬大師講, 我好想Diy手花, 襟花, 花球同結婚套呢d簡單野,
佢個衰人竟然講 :
不如我地都係買喇, 你既手功又唔係咁好,
怕你 Diy 完, 最後都係晒錢再買呀。
嗚嗚嗚~~~~
我依家唔開心呀, 哼哼衰人
